Julak Duan

Arsip

Julak Duan

Samalam julak b unjun Harau takait...
Paksa ai tajun bakunyung oleh urang di padahakan kada bulih bakunyung di situ..
Jadi jar julak Mun berenang pang bulih lah....
( Nang di takuni nih utuh, utuhnya haja kada tamat sakulah, Aur ba kiyu haja katuju)

Mancilurup jua ai akhirnya julak berenang, Ampah Bamudik k hulu arah Bulik ka kampung

Cah jar julak nang dimapa mapa kah kada tapi paham kada mun urusan bahasa ini,
Nang bujur kah Nang salah kah...

si utuh di surabang sungai masih ta ungut ai malihatakan kalakuan julak
" Ujar ampun nya jagn di tajuni, kada bulih bakunyung

Maka si julak barenang haja jar sidin tadi..
Manyuhuti...lain bakunyung!
(Bagaru kupala utuh)

Inya Kada sakulah tinggi ni malihat  kalakuan julak dintu, utuh ni ranai ai...

Lidat kambang tanding dapat julak Nang ganal tajun
habis talincai lacak tuha Basnah,

Han jar utuh maniwas julak
" Hudah dipadahi jangan di tajuni luku...tatap Pian tajun pas am lidat!
Lacak ta hambur, tutu sama ai akhirnya pada rusak haja, biar bagamat, biar bahati hati Amun hampian tajun tatap ai rusak Yat lacakan
Mun mati anak banih, adalah Pian tanggung jawab

Mun banih kada baik, bahuma kada bapakulih kawakah pian mambari kami Baras!
Mun baik jua, kulihan dikit tatap ai gagara Pian... Maka wahini banih murah di jual.. bilang kada mantuk Haraga pupuk, parawatan wan Haraga jual...
Bahanu pupuk langka ha pulang!

Hudah gatah murah, gula larang... badagang sunyi... ( Si utuh gagarunum kaya mudil suah badagang)
* Tenyata selidik punya selidik si utuh suah umpat jaga di warung paman asun di simpang Ampat
Ringkas ny

Imbah tu utuh ni di bawa julak minuman k warung Acil Basnah salajur minta maaf lacakan Acil lidat dapat julak tajun

Jadi sambil di jalan julak bpandiran,
" Kada tajun aku mambawa kawat sa ilah haja, disiya kada ada urang bajual kawat... Anggaran sakit makanya tajun ai, baharap kawat kada pagat, pacang dapat iwak

Tp pas hudah tajun Han Napa Pian lak jar utuh,

" Kawat pingkar, pa uluran lidat, lacakan Acil Basnah tahambur
(Marugiakan jua lih)
Ibarat urang wahini...
Bagana kada pancaharian, Bulik bahayaan
Caka dapat bantuan Palaran jua pang
Tp Mun diampihi urang bagawi tutih paksa ai Bulik jua, handak bagana kada Napa dimakan, handak minta lawan bos, Sidin haja bingung Jua, manggajih pagawai
Saraba ai lih...

Cah Napa jar utuh aku layau!
--
Kopi hirang hulu Ci Basnah 2 cangkir" ujar julak.
Sampai di warung acil Basnah
(julak mancari Ubing kambang, soalnya kunci mutur Hidin saraba rasuk, wan gunting gin mau)

" mahadang mobil Esemka kita kina tuh ai, ampih sapida bahingusan ini, bakunjang jar julak gagarunum

di belakang Acil Basnah kaluar.
Sambil mambawa cangkir kopi
Acil Basnah gagarunum wan utuh

" Nah ini pang manusianya
Samalam gagara utuh aku Parak tahual wan tuha ujal
(Sambil manyisit Langan dastar Nang bacalimut Kana kamiran guguduh)

Mahir ikam Niya tuh ai
" Urang tuha di dustai!
Nang tuha di ulah kalikir

Sabar-sabar cil, jar julak
Napa ti kisahkan dlu caritera nya

Mahingal Acil sambil bakisah
" Jadi julak ai si utuh ini mahabarakan samalam tutuh , jar utuh kariditan panci anu tuha ujal kawa kaina haja di bayari, di tangguhkan kah jar urang di Kuta"

Jadi aq nih sanang ai, malaran kawa batukar pisang, batukar ini itu hagan warung

Nah! Pas utuh ujal datang
Batagihan karidit panci... Aku kada bayar,.  Inya utuh bakisah dintu...

Sakalinya Harau! Lain... Dustainya wara ulih utuh aku...
Pas Si ajul bakisah lain dintu jar ajul...
Piasat am jar ku!
(Acil Basnah mambaiki tangkulup kakamban Hidin Nang bacap partai, rupanya pambagian pamilu tadi saku ai)

Nang dintu pang lak ai jar Acil Basnah bakisah
(Sambil ma baju bagambar caleg, ma lap mija bakas kana patis)

******Kikira laki Acil tim suksis saku wkwkwkwk soalnya langkap Acil ada b isi mudil kampanye, warung hidin hibak wan almanak
Mulai 2009 hampai 2020
Almanak nang mulai caleg hudah jadi, sampai caleg Nang blm jadi..
Nang 2020 haja banyak bangat almanak gambar bakal calon,
(Bariap ditikap Hidin, mau jua hagan tatambal luang warung Nang buntus)

------

Ranai julak satumat bapikir
( Maka lacak Acil lidat aku tajuni, busiah Acil bamamai)

jadi julak ni nga'ran kawan kawan utuh
bakisah ai jua kajadian lidat lacak Hidin

Mambari Acil 600 ribu, wan mambawa utuh Bulik kampung  mudil mudik jua tuh utuh wkwkwkwk
(Utuh galau kada kawa bacari)
Maraha dikampung utuh jadi napakah
(Paling Hayam  umanya di kataaraan hilang hiiiii)

sambil makan guguduh . Datang laki Acil ...
Nang imbah m ujik

(Basambung)
....
mancari umpan unjun dlu nah...