Catatan dari meratus

Manurut kisah, bahari pas jaman parjuangan malawan walanda, masyarakat bajuang lawan kabisaan dan kamampuan nang inya ada, nang wani bajuang lawan kalahi, nang bisa manulis inya bajuang lawan tulisan, nang harat bapandir inya bajuang kasana kamari ma inta dukungan, nang bisa bamasak bajuang lawan masakannya, nang sugih bajuang lawab hartanya, nang alim bajuang lawan du'a-du'anya, tapi tujuannya sama yaitu marabut kamardikaan dari walanda. Wayahini parjuangan kita manantang masuknya tambang di wilayah HST ulih inpistur asing nang sangat marugiakan banua, mudahan mamarina lawan kula kula dibanua kaya padatuan kita bahari jua, mana nang jagau manantang lawan kajagauannya, nang pintar dan mangarti hukum tantang lawan ilmu hampiyan, nang sugih lawan banyak batanah tantang lawan kada hakun manjuali, nang bisa manulis tantang lawan tulisan, baik di midsus, surat kabar atau dimana haja nang kawa ditulisi, nang harat dimu atau urasi tantang lawan urasi, nang alim tantang lawan du'a du'a pian. Nang urang jaba tantang lawan napa nang pian kawa. Mudahan sabab urang banua manantang banua kita kada jadi urang asing mangaruk lawan manambang. Ganang dampak lawan akibat sagan anak cucu kita.