Mun di banding bahari jaman kakanakan, kadada alasan kada basyukur. Bahari makan haja hintalu basanga sabigi babagi sapadangsanakan, itu gen bahanu hintalunya dicampur nyiur sakira harakat. Sanunuh makan ba iwak kada bulih puluk/humpal, paribasa urang bahari bagi para'id sapadangsanakan, handak banyak makan iwak, jar kawitan kaina bacacing ujah parut, padahal dasar duit nukar iwak nang kada tapi ada. Handak balajar basampida, sampidanya ganal lawan panggarnya tinggi, jadi tapaksa mangujak bacaluk mudil kaya palintinu russi tikungan. Salawar sakulah sabubutingannya ba isi, tutu gin bakas ampun dangsanak, katuhukan duduk buritnya batambal handiplas. Sipatu sakulah bangangaan kaya buhaya handak makan. Sandal suwalau bacukbaju, baju bahanu labihan dangsanak nang dipakai, jadi bahanu liwir gulunya, ba ulanja kd tapi kawa, tapaksa bacari rambai, katapi, mundar, palipisan, asam buluh, gitaan, jambu, sangkuang, bahanu himbawang masam gen dimakan. Nang manyadihakan banar mun di ingat, bila kawan makan mie bakaring lalu haja mainta bakasnya nang masih ada uyahnya. Makanya wahini banyaki basyukur haja lagi. biar kada sugih kaya urang tapi alhamdulillah kawa haja anak babaju silawar kaya di urang.

 Mun di banding bahari jaman kakanakan,  kadada alasan kada basyukur. Bahari makan haja hintalu basanga sabigi babagi sapadangsanakan, itu gen bahanu hintalunya dicampur nyiur sakira harakat. Sanunuh makan ba iwak kada bulih puluk/humpal, paribasa urang bahari bagi para'id sapadangsanakan, handak banyak makan iwak, jar kawitan kaina bacacing ujah parut, padahal dasar duit nukar iwak nang kada tapi ada. 

Handak balajar basampida, sampidanya ganal lawan panggarnya tinggi, jadi tapaksa mangujak bacaluk mudil kaya palintinu russi tikungan.

Salawar sakulah sabubutingannya ba isi, tutu gin bakas ampun dangsanak, katuhukan duduk buritnya batambal handiplas. Sipatu sakulah bangangaan kaya buhaya handak makan. 

Sandal suwalau bacukbaju, baju bahanu labihan dangsanak nang dipakai, jadi bahanu liwir gulunya, ba ulanja kd tapi kawa, tapaksa  bacari rambai, katapi, mundar, palipisan, asam buluh, gitaan, jambu, sangkuang, bahanu himbawang masam gen dimakan. 

Nang manyadihakan banar mun di ingat, bila kawan makan mie bakaring lalu haja  mainta bakasnya nang masih ada uyahnya.

Makanya wahini banyaki basyukur haja lagi. biar kada sugih kaya urang tapi alhamdulillah kawa haja anak babaju silawar kaya di urang.