Meratus

Kita pasti rancak mandangar kalimat "mencegah lebih baik dari pada mengobati", dan kalimat nia rancak kita baca atau kita dangari sagan masalah nang takait lawan masalah kasihatan. Ma injam istilah nang sama ulun mamakai "mencegah lebih baik dari pada mangobati" sagan masalah lingkungan. Mencegah bancana alam. Kadada alasan sagan kita untuk kada ba syukur, sabab banua kita tamasuk jarang dapat bancana kataguri ganal, jadi biar ada jua, kada saganal musibah nang tarjadi di banua banua urang, nang ma akibatakan kurban jiwa lawan harta nang liwar banyak. Tapi biar kaya dintu kita tatap harus sadar bahwa bancana alam nang ganal tutu bisa tarjadi dimana haja atawa pabila haja. Tarmasuk banua kita. Apa lagi amun ka saimbangan alam sudah samakin rusak di tambahi pulang manusianya katuju babuat maksiat atawa gawian nang di murkai Allah. Maka siap-siap haja jua kita manarima bancana alam. Baik tutu banjir, gempa, kabut asap nang bakapanjangan, kakaringan dll. Dan kaya apa cara ikhtiar kita sakira kawa mancegah bancana alam tadi. Pandapat ulun ada tiga: 1. Selalu ba Do'a dan ma inta partulungan lawan Allah swt agar banua tahindar dari bancana alam. 2. Ba usaha manggawi nang diparintahkan Allah dan mahindari manggawi nang dilarang Allah. 3. Menjaga kelestarian alam sehingga keseimbangan alam tatap terjaga. Wallahu'alam.